Kalaallit ilusilersuisartut DR-ip malinnaaffigai
DR2-p Arfininngornermi mutinik sammisaqarnerani Isaksen design sammineqassaaq.
Kalaallit atisanik ilusilersuisartut marluk, anaanaq panialu, Tia aamma Nickie Isaksen amerikami tuniniaavimmut pimoorullugu isernialerput.
Isaksen Design-ip suliai siorna ukiakkut New Yorkimi pisiniarfimmi nuimasumi Takashimaya-mi tuniniarneqalerput.
USA-p sinneranut iserniarnerminnik sinnattuat TV-kut malinnaavigineqarsinnaavoq, DR2-p qallunaat atisanik mutiliaat sammilerpagit.
Tamanna pissaaq arfininngornermi augustip 9-anni sammisaqarluni aallakaatitassiami »Mode på markedet«, taannalu aallakaatinneqassaaq Københavnimi mutinik sapaatip akunnerani sammisaqarnermi, augustip 6-ianniit 10-ata tungaanut.
Aallakaatitassiaq aamma KNR-TV-kut aallakaatinneqarumaarpoq, qaquguli aallakaatinneqassanersoq suli aalajangerneqarsimanngilaq, taamatut paasissutissiivoq aallakaatitassianut pisortaq Jakob Strøm.