Ulfi angerlalerpoq
Ukiut 11-it Danmarkimi, ukiorlu kingulermi Løkkenimi Vandrerhjemmemik piginnittooreerluni, Ulfip Nuummut angerlamut saannissani aalajangiuppaa.
Ukiup ataatsip matuma siorna Ulfi Ayoe-illu sutigut tamatigut nalornginartumik kinguneqarsinnaasoq aalajangiuppaat, Løkken Vandrerhjemmelu pisiaralugu. Maanna Ulfi kiserngurussimavoq sivisuumillu eqqarsaatigereerlugu, nassuerutigisariaqarsimallugu taamani pisiartik tuniniartariqartoq. Unnuisartut allallu Vandrerhjemmemik atuasartut ikippallaartut aningaasartuutinut naleqqiullugit, kiassaatissamut uuliamut , innaallagissamut imermutllu akiliutissat il.il. annertoorujussuit , namminerlu oqarnerasut “eqqaamiut qaninnerpaat arsaateqatigisartakkallu Vrensted IF-imeersut pinngikkaanni, najugarilersimasaani nunaqareersut matoqqanerujussuisa, qaammaterpassuarni taarmiuunerup Vestjyllandimilu anorip kipissaanngitsup, aallartikkaluakkap qimaanniarnissaanut aallajangiussinissaq piuminarnerutissimavaat, sapingisamillu annaasassat annikitsuutinniartariaqarlutik.”
Ulfip inuunini iluamik nangeqqikkusuppaa periarfissarlu inuunermi ataasiaannarluni tuniunneqartartoq naaggaarneqarsinnaanngitsorlu pisimallugu, Ulfi oktuuberip aallaqqaataani 2008-mi INI A/S-imi attartuisitsisarnermi pisortatut atorfimmi , pinngortillaami aallartissaaq.
Ulfip soorlu Kalaallit Nunaanni aavarluni “pinngortitami nipaannersuaq qoqianngusaannartup” tusaaqqinnissa, killeqanngimillu isikkiveqarnerup misigeqqinnissaa, ilaquttat najoqqilernissaat minnerunngitsumillu ikinngutituannguit sinneruttut, suli ullumikkut attavigisaqarfigisani ilageqqilernissaat qilanaareqai!