Aleqa Ilaqutariit Inissiiviusartut peqatigiiffiannut 7.500 kronenik tunisivoq
Aleqa Hammondip takornarianik angallassisartutut isertitani Nuummi Ilaqutariit Inissiiviusartut Peqatigiiffiannut tunissutigai. Nuuk Tourismip tunissutai marloriaatinngortippai, taamaalillutik tunniunneqartut 7.500 koruuninngorlutik.
Annonse
Aningaasaqarnermut nunanullu allanut tunngasunut naalakkersuisoq takornariaqarnermik ingerlatsisuni sulisimavoq, taamaattumillu takornarianut ilaatigut tyskisut oqaluttunut aasaq manna ilisimasaqarluarluni angallassisuusimalluni.
Aleqa Hammond Nuuk Tourismimut katillugit ulluni pingasuni angallassisuusimavoq, sulinilu pillugu nalinginnaasumik akissarsiaqartinneqarsimalluni. Aleqa Hammondip akissarsiami saniatigut aamma drikkepenge-siani ilanngullugit tunissutigai.