Politikerit silaannarmik sammisallit sermersuarmut

Sermersuarmi ilisimatusartut aqagu sullulimmik qilleriffimminni politikerinit nunanit assigiinngitsuneersunit tikeraarneqassapput, KNR oqaluttuarpoq.

Tammaarsimaffik NEEM (sermersuarmi qillerineq North Greenland Eemian Ice Drilling, NEEM-imi taaneqartoq) Qaanaap kangiatungaani 200 kilometerinik ungasitsigisumi inissisimavoq, ilisimatusartut nunanit 13-ineersut 35-t missaat, avatangiisinut naalakkersuisumit Kim Kielsenimit tikeraarneqassapput. Ilagissavai Danmarkimi silaannarmut tunngasunut ministeri Connie Hedegaard aamma FN’ip silaannaq pillugu ilisimasalittut ataatsimiititaliaanut siulittaasoq, indiamiu Rajendra K. Pachauti kiisalu Danmarkimi Canadamilu pinngortitaleriffinni ilisimatuut.

Tikeraarnermi ingiaqataassapput tusagassiortut pingasut ukunaneersut; New York Time, New York Magazine og India Today, knr.gl malillugu.

Tammaarsimaffimmi NEEM-imi tikeraat sermersuarmik ilisimatuut silaannaq pillugu paasissutissanik sermiinnaqarnerup qiterliup naalerneranit kingullermeersunik katersisut malinnaaffigissavaat, piffissaq Eem-itut taaneqartartoq.

Taamani nunarput ullumikkornit gradenik pingasunit tallimanut kianneruvoq. Qillerinernilu inernerit paasinartissavaat silaannaq ukiuni takkuttussani qanoq allanngoriartussanersoq.

Powered by Labrador CMS