Timmisartukkut allakkat Qaanaaliartut akunnittut
Timmisartukkut nassiussarpassuit maanna Upernavimmiipput, Qaanaamut Pituffimmullu timmisartuunneqarnissaminnik utaqqisut.
Annonse
Allakkat Upernavimmiittut 900 kiilut missaanniipput, tamakkununnga ilaallutik poortukkat sapaatit akunneri pingasut matuma siorna Danmarkimit nassiunneqarsimasut, TELE Greenland tusagassiuutitigut nalunaarummi ilisimatitsivoq.
Naatsorsuutigineqarsimagaluarpoq Air Greenlandip poortukkat pingasunngornermi 30. juli 2008 timmisartuutissagai, silarlunnerali peqqutigalugu pisinnaasimanngilaq. Air Greenland nalunaarpoq, tulliani Qaanaaliartoqarpat, arfininngorneq 2. August 2008, poortukkat sapinngisamik inissaqartinniarneqassasut.
TELE-POST’ip Air Greenland ingerlaavartumik ilisimatittarsimavaa, poortukkat uninngasut amerliartuinnartut pillugit, poortukkanillu Qaanaamut Pituffimmullu assartuisarneq naammaginanngitsutut isumaqarfigalugu.