Oqaluffiup nalunaaqutaa digital-eq
Nuummi Annaassisitta oqaluffiata napasuliaani nalunaaqutarsuaq digital-inngorsarneqarsimasoq, Nuuk.gl allappoq.
Nuummi oqaluffiup napasuliaani nalunaaqutaq tatigisinnaaleqqipparput maanna digital-inngorsarneqareersoq naak takuinnarlugu isikkutoqamisut ikkaluartoq.
– Nuummi innuttaasut oqaluffitoqqap napasuliartaani nalunaaqutarsuaq tatigeqqissinnaalerpaat. Nalunaaqutarsuarmi innaallagisserisunit Carl Lynge ApS-imit nutarsarneqareerluni, qallunaatut; digitaliseererneqareerluni ullut 14-it sinnerlugut ingerlareersimalerpoq. Ilallugulu nalunaaqutarsuaq qullilersorneqarsimavoq nalunaaquttap tikkuutai taartumi allaat takuneqarsinnaalersillugit, taama Nuuk.gl allappoq.
Oqaluffiup napasuliarsuani nalunaaqutarsuup iluarsaannissaanut katersuiniarnermik aallarniisuuvoq soraarneq Ruth Holm. Aningaasat katillugit 148.000 krone-t pissarsiarineqarput innuttaasut akornanniit 28.000 krone-t katersorneqarlutik. Aningaasartuutit sinnerit namminersornerullutik oqartussat, Nuup Kommunea-ta, Sct. Georgs Gildet aammalu aningaasaqarnermut ataatsimiititaliaanit matussutissarsineqarsimapput.