Perorsaasunngorniarneq pitsaanerusoq
Perorsaanermut ilinniarfimmi ilinnialersussat nutaat ukiut sisamaat affaq atuareerlutik naammassigunik bachelor-inngussapput ilinniaqqinnissamut periarfissagissaarnerulissallutik
Perorsaarnermik ilinniarfimmi ilinniartut nutaat 23-it august-ip sisamaani aallartissapput. Ilinniartut taakku siullersaassapput ilinniartitaanerup suliassamut sammititamik bachelorinngorniarfittut atuutilernerani.
– Perorsaasup suliassaminut sammititamik bacheloritut ilinniarsimasup ilinniarnermi naammassineratigut perorsaasutut sulinissami saniatigut periarfissaqalissaaq qaffasinnerusumut ilinniaqqinnissaminut, tassami ilinniarneq taanna ilinniagartuutut ilinniarnissamut isissutaasussanngussammat kanditatit masterillu qaffaseqataannut, taama nalunaarpoq perorsaanermik ilinniarfimmi pisortaq Nuka Kleemann.
Perorsaasut nunatsinni ullumikkut amigaataaqaat perorsaasutut atorfiit 300-ut suli inuttalerneqarsimanatik.
Ilinniarfik allilerlugu aappaagu aallartinneqartussaavoq taamalu ilinniartut amerlanerusut tiguneqarsinnaalissallutik.