Imermi bakterissat

Nuup ilaani Nuussuarmi imeq bakteriaqarpallaalersimasoq, KNR allappoq.

Nuup ilaani Nuussuarmi imeq bakteriaqarpallaarpoq.

Nuup ilaani Nuussuarmi najugaqaruit imeq qalaqqaarlugu imertaruk. Paasineqarsimavormi imeq bakterianik akoqarpallaalersimasoq. Bakterissat taakku naarlutsitsisinnaapput, timmissutaasinnaallutik merianermillu allaat kinguneqarsinnaallutik. Imerlu misilittarneqarmat paasineqarpoq suli bakteriaqarpallaartoq. Erngup bakteriaqarpallaalerneranut pissutaasorineqarpoq Nuussuarmi klor-imut pumpe-p ajoquteqalersimanera.

Sapaatip akunnerata naanerani imeq misissoqqinneqassaaq. Misissuinerulli takussutissartai aatsaat marlunngorpat piareersinnaammata inassutigineqarpoq imeq qalaqqaarlugu imerneqartassasoq.

Powered by Labrador CMS