Nick Nielsen utiinnarpoq
Ajunaartoqarnera pissutigalugu nunarsuarmi qaqqat portunersaasa tullianik K2-mik qaqisiniartut, ilaatigut Nick Nielsenimik ilallit, utiinnarput, taamatut allappoq politiken
Sapaatip akunnerata ataatsip matuma siornatigut Nick Nielsenip qaqqasioqataatalu Jacob Wetchep nassuerutigisariaqarpaat nunarsuarmi qaqqat portunersaasa tulliani K2-mi pissutsit ulorianarpallaartut. Utiinnarput tamatumuunalul qaqisiniarnertik taamaatiinnarlugu.
Ajunaarnermi inuit qulingiluat ajunaarput sisamallu maqaasineqarlutik, tamakkua ilagalugu roskaeq Rolf Bae.
– Ilaanni meteriinnangajammik saneqqulluta aput sisoorpoq aqqusaartikkumanatalu pissittariaqarluta. Tamannalu sioqqullugu amerikarmiut qaqisiniartut 10-15 meterinik tunuanit malippagut. Utaqqiumanngilaatigullu ujaqqanillu nakkaatitsiffigiumarluta. Tassa piaaraluneratik, inuilli taamatut qullasitsigisumiillutik qaqisiniarlutik tamaviaartarput taavalu ujaqqanik nakkakaatitaannik aqqusaarneqartuarpugut. Taavalu taamaatiinnarpugut, Nick Nielsen Politikenimut oqarpoq.
Nick Nielsen qaqisiniaqataasalu K2-mik qaqisiniarnertik piffissaa aalajangernagu kinguartippaat.