Atualeqqaartoq ataaseq
Uummannap kommuniani nunaqarfimmi Nuugaatsiami tallimanngormat atualerfimmi atualeqqaartoq ataasiinnaavoq. Kisianni alla kingusinnerusukkut tikissaaq, taava atualeqqaartitseqqaartoqaqqissaaq.
Marluusussaagaluarput.
Nivikkannguaq arfinilinnik ukiulik tallimanngormat atualeqqaartussaagaluarpoq, kisianni Danmarkimi peqqissaasut suliumajunnaarnerisa tamanna akornuserpaa, atuarfimmi pisortaq Barbara Strøm-Barris oqaluttuarpoq.
- Nivikkannuaq tusilartuuvoq aggutsilu sioqquterujussuarlugu siutimigut suliaritittussaasimagaluarluni. Atualeqqaarnissaminut nunaqarfimmi persuarsiutigineqartartumut assut qilanaarsimavoq. Kisianni peqqissaasut suliumajunnaarnerisa pilersaarutit tamaasa kiputtoortippaat, taamalu Nivikkannguaq aggutsip naanerani tikissimaleriarpat atualeqqaartitseqqissaagut, Barbara oqaluttuarpoq.
Nuugaatsiaq nunaqarfinnguuvoq aalisartoqarfiullunilu piniartoqarfiusoq 75-inik innuttaqartoq 250-inillu qimmeqartoq. Atuarfik 14-inik atuartoqarpoq.
Illoqarfinni nunaqarfinnilu allani atualeqqaarnernit assit takukkit her.