Kalaallit Nunaata qaqqaani ulapaartussaqarpoq
Ilisimatuut inuillu logistik-imik suliaqartut 140-t missaanniittut Kalaallit Nunaanni nunami imaanilu kalaallit nunaat kaajallallugu sulisussaapput, geus.dk allappoq.
Annonse
Geocenter Danmark-ip ukioq manna Kalaallit Nunaanni nunami imaanilu suliassat pillugit pilersaarutini saqqummiuppai. Ilisimatuut inuillu logistik-imik suliallit (ataqatigiissaarinermik) 140-t missaanniittut Kalaallit Nunaat kaajallallugu nunami imaanilu misissuillutik suliaqartussaapput.
Ilisimatusarnikkut suliniutit assigiinngitsut 32-it pilersaarutigineqarput, qulequttat tassaallutik nunap sananeqaataanik nalunaarsuinermiit aatsitassanik uuliasiornermillu misissuinerit aammalu qaqqat anitsisartuusimasut nassataannik sermersuaqarfinneersunillu misissuinerit kiisalu sermip silaannaallu imminnut sunneeqatigiittarnerinik misissuinerit.