Per Berthelsen attaviitsunngussaaq
Demokraatit pilersitsisuata Per Berthelsenip ilimagineqareersutut marlunngornermi unnukkut immikkut ittumik nuna tamakkerlugu ataatsimeersuareernerup kingorna partii qimallugu attaviitsunngussaaq.
Per Berthelsenip partiip iluani sivisuumik nukippassuarnillu atuiffioreersumik aaqqiagiinnittoqareersorlu Demokraatit qimassavai. Taamalu partiip siulittaasuata tunuarnera pissaaq, Nuummi immikkoortortaqarfiup partiimi ilaasortat tamarmiusut kina siulittaasuussanersoq taasitinneqarnissaannik siunnersuutaat nuna tamakkerlugu ataatsimeersuartut itigartereeraallu.
Siulersuisuunerni ilaasortat tallimat immikkoortortaqarfinniillu sinniisut sisamat najupput - taamalu piginnaatitsissutit ilanngukkaanni immikkoortortaqarfiit qulingiluaasut nuna tamakkerlugu ataatsimeersuarnermi sinniissuutitaqarput.
Per Berthelsen nammineq nuummi immikkoortortaqarfilluunniit immikkoortortaqarfinni kisiartaalluni partiimik pilersitsisumik taperseersuisuusoq unnuk taanna nuna tamakkerlugu ataatsimeersuarnermi najuutinngillat.