Paamiuni ilaqutariinnut saaffiginnittarfik
Paamiuni ilaqutariit saaffiginnittarfiat nutaaq pingasunngormat ammarneqarpoq kommunimit suliffeqarfinniillu peqataaffigineqartumik.
Borgmesteriugallartoq Tiiooq Knudsen (Siumut) ammaannermi oqarpoq ilaqutariinnut inuuniarnikkut piorsarusuttunut illu atorfissaqartinneqartoq, soorlu ikiaroornartumik imigassamik naamaarniarnermilluunniit atornerluisunut, minnerunngitsumillu naartulersimasunut ataatanngortussanullu atornissaa piukkunnaateqaqaaq, borgmesteriugallartoq oqarpoq.
Ilaqutariinnut saaffiginnittarfittaap illutaa 60-ikkunni nunaqarfinni meeqqanut Paamiunut atuariartortunut inigitinneqarsimavoq.
Ilaqutariinnut saffiginnittarfittaaq »Paamiut Asasarami« suliniutinut atornissaa aalajangiunneqareersimaavoq, illup susassaqartitsinermi unnuiffiusinnaasutut periarfissaqarpoq, pikkorissaajartortullu immikkut illup inissiaataani inissaqartinneqarput.
»Paamiut Asasarami« suliniutini ilaavoq ilisimatusarnissaq, Københavnimi ilisimatusarfiup psykologiimut immikkoortortaa suleqatigineqartussaavoq. Ilisimatusartussat illumi sulliveqarnissaat aamma periarfissaavoq.
Ilaqutariit saaffiginnittarfiani naartusut ernereersimasullu pikkorissartinneqarnerata immikkoortuata aappaa aggustimi ingerlanneqassaaq.
Saffiginnittarfittaassap atissaanik maanna unammisitsisoqarpoq.