Grønland i Tivolimit neqeroorut

Grønland i Tivolip aaqqissuisuisa ukioq manna akit naammaginartut neqeroorutigai.

Grønland i Tivoli ulluni pingasuni ingerlasarpoq, juulip 30-ianiit aggutsip 1-annut. Ukioq manna ullunut pingasunut tamanut billetisigaanni aningaasanik sipagassaqarpoq, Søren Thalund Løvstrædemi Kalaalllit Illuutaanniit aliikkusersuinernut aaqqissuusseqataasoq ilisimatitsivoq. Nutaartaavoq billeti online-imik pisiareriarlugu nammineq printerneqarsinnaammat.

Billetit www.tivoli.dk-mi pisiarineqarsinnaapput (Talerpiatungaani "Spring køen over" toorlugu), kisianni aama isertarfimmi pisinarineqarsinnaallutittaaq.

Aggutsip aallaqqaataa ukioq manna immikkuullarippoq, Angup Juliellu nal. 20 aamma 22 nipilersornissaannut piareersarnissaq pissutigalugu Plænimi aaqqissuussisoqassanngimmat.

- Kisianni kalaallit tuniniaavissaat 14-it piareersimassapput, erinarsoqatigiit Aavaat eerinarsussapput, qaannamik kinngusaqattaartoqassaaq, aamma Disko Bay Blues appisimaassapput, nipilersortartut allat peqatigalugit nal. 15.00-imiit jamsession-eqasallutik, Søren Thalund oqarpoq.

Sermitsiaq aamma ukioq manna Tivolimi peqataassaaq, taamalu aviisip tununiaavianiit ukioq manna aamma ilaquttanut ikinngutinullu Sermitsiap nittartagaatigut inuulluaqqusisoqarsinnaassalluni.

Grønland i Tivolimi pisussat uani takuneqarsinnaapput: www.git.gl.

Powered by Labrador CMS