ICC: Canadamut aqqut pilersissiuk
ICC Kalaallit Nunaata siulittaasuata Paul Ukaleq Hans Enoksenilu kajumissaarpai Eqalunnut timmisartukkut aqqutaa pileseqqinniaqqullugu.
- Canadamit toqqaannartumik Kalaallit Nunaannut attaveqaatit taamaatinneqarnerisigit naggueqatigiittut attaveqarneq ujariatsinarsisimavoq. Minnerunngitsumik ilaqutariinnikkut annikinngitsumik nunat taakku akornani ataqatigiilernerisa kingunerisaannik aalaakkaasumik attaveqartarnissaq pisariaqalersimavoq. Maanna pisortat kisimik imminnut attaveqarsinnaanerat pisinnaasarpoq uujartererujussuarnikkut imaluunnit timmisartuaqqanik akikinngitsumik attartornikkut aatsaat pisinnaasarluni, Aqqaluk Lynge allappoq.
Ajuusaarnartuusoraa Kalaallit Nunaat avammut matoqqalersimatigimmat aatsaat uujartererujussuaqqaarluni nunanut allanut apuussinnaalersimagatta, oqartaaseq malillugu: "aatsaat Roma aqqusaaqqaarlugu" kalallit angalajumasut nunanut allanut apuussinnaanngorsimapput.
- Tamanna politikkikkut aaqqitaagami politikkikkut iluarsisariaqarpoq, Aqqaluk Lynge, ICC sinnerlugu oqarpoq.