Sisimiuniit Parisimut
Parisimi tusaamasami Champs-Elysées-imi takornariat akornanni kalaallinik qanoq ililluni naapitsisoqarsinnaava? Tassa taskeminni Air Greenland-ip nipitittagaanik nipittartoqaramik.
Annonse
Taamaalilluni inussuttut Sisimiunersut qulit ukioq manna GU Aasiannit ilinniarnertuunngortut taamalu aamma suliffimmit Angunnguaq A/S-init tapiiffigineqarlutik illoqarfiit illoqarfiunersaannut angalanissamut soraarummeernerminni akissarsisimasut naapinneqarsinnaapput.
Parisimi takusassaqqissut ilaat kalaallit inuussut takusaasa ilagaat »Maison du Groenland« - "kalaallit illuat" franskinit angalatitsisartunit pigineqartoq.
Illumi pulaartut allattaavianni ilaatigut atit takussaapput Julie Berthelsen, assammik arsartartoq Ella Grødem aamma inatsisartuni siulittaasuusimasoq Jonathan Motzfeldt.
Amerlanerit aatsaavissuaq Parisimiipput. Arlallit tassunnaqqikkusupput, pingaartumik Sikkersoq 23-inik ukiulik, Aasianni GU-mi franskisut ilinniarsimasoq.