Nick Nielsen taamaatiinnarpoq
Qaqqasiortartup ikinngutaatalu K2 qaqinngitsoorpaat ujaqqanik sisoortoqartarnera uloriagilerlugu.
Nick Nielsenip Jacob Wetchellu qaqqat portunersaasa tulliat, K2, qaqinngitsoorpaat.
Ujaqqanit sisoortunit navianartorsiortitaareerlutik qaqqasiortartut taakkua marluk, qaqqarsuarmut qaqingajakkaluarlutillu angerlaannarniarlutik aalajangersimapput.
Qaqqarsuarmut qaqiniarnerminni silagissiorpallaarsimanngillat, kisianni taamaatitsiinnarnerannut tamanna patsisaanngilaq, qaqqarsuarmummi qaqiniartut ima amerlatigisimapput allaat ujaqqanik sisoortoornerit ingasatsilluinnarsimallutik.
- Nickip ilisarisimasaa ujaqqanit sisoorfigitinnermigut niaqqumi saarnganik innarlerneqarluni aaneqartariaqalermat, angerlaannarniarlutik aalajangerput. Misigisassarpassuatik misigereeramikkik taamatut angerlaannarnissaminnik ilungersunartumik aalajangiinertik nuannaarutigigaat Nick Nielsenip aappaa Hanne nittartakkaminni inuk.dk-mi allappoq.