Aputit ujaqqallu nakkaasut

Nick Nielsenip Jakob P. Wetche-llu K2 juulip 20-iata missaani majuarfigalugu misilinniarpaat.

Nick Nielsen i Nepal. Billedet er fra en af hans tidligere ekspeditioner i Himalaya./ Nick Nielsen Nepal-imi. Assi Himalaya-mi siusinnerusukkut angalaneraneersuuvoq.

- Aputit sisoortut ujaqqallu nakkaasut takusarsimavagut. Annilaarnalaarsimapput, Nick Nielsen oqaluttuarpoq. Nick ikinngutaalu Jakob P. Wetche massakkut K2-mut ungasikkunnaarput.

Ingerlaqatigiit maannakkorpiaq sermimi uninngaarfimmiipput. Tassuna apuunnissaminnut ullut sisamat atorsimavaat. Nick Nielsen naapertorlugu ilisimasassarsiorneq una Mount Everest-ip 2006-imi majuarneraniit ajornakusoornerujussuuvoq.

- Maani aputit sisoortut ujaqqallu nakkaasut amerlasaqaat. Aamma uninngaartarfinnut apuunniarneq sivisuneruvoq, sisamariarlutillu uninngaarfiliortartussallutik, Nick oqaluttuarpoq, nangillunilu oqarpoq, ippassaq nutaamik ussippaap yakoksep neqitorsimallutik.

K2 majuarlugu aqqutaa pillugu Nick Nielsen oqaluttuarpoq.

- Ullaaralaakkut aallarpugut, aput taamaalinerani mannginnerummat. Maani ualinerani kianneruleraangat aput aqinnerulersarpoq, ujaqqallu nakkaaqqajaanerulersarlutik. Kisianni ualikkut atertariaqartarpugut, taamaalineranilu aputit sisooqqajaanerusarlutillu ujaqqat nakkaaqqajaanerusarput. Koreamiunit tupinnaannartumik ikiorneqarluarpugut. Nalinginnaasuuvoq, assersuutigalugu allunaasamik atorniassagaanni misigisassarsioqatigiit allat akileqqaassallugit, kisianni koreamiut uagutsinnut inussiarnerlutillu pitsaasimapput.

Nick Nielsenip ilisimatitsissutigaa maannakkorpiaq qaqqasiortartut 100-t missaanniittut tamaaniittut. Tamarmik K2 qaqiniartussaavaat.

- Misigisassarsiortut hollnadimiut qaqingajalernerarpaat. Qaqqasiortut maajip 3-anili maaniilersimapput, aammalu unnuguunngikkuni aqagu qaavanut apuuteriarniarput.

Nick Nielsen aamma Jakob P. Wetche aggustip aallartinnerani Danmarkimut uterniarnissartik naatsorsuutigaat.

Powered by Labrador CMS