Akiligassani INI-p attartortunut akilersippai
Nuummi inissiamik attartortut 100-t missaanniittut INI-mit aningaasanik pissaqarput.
Inissiaatileqatigiiffik INI-p ukiuni pingasuni innaallagissamut nammineq akiliutissani Nuummi attartortunut arlalinnut akilersortissimavai.
Attartortoq, INI-p periusaanik maalaaruteqarsimasoq, 3.000 koruuninik utertitsivigineqarsimavoq, attartortulli allat 100-t amerlanerusulluunniit taamatuttaaq inissiaatileqatigiiffimmit aningaasanik pissaqarput.
Pisimasumi pineqarpoq innaallagiaq, erngup illunut aqqutaasa qeritsaaliornerannut atorneqartoq.
Inissiaatileqatigiiffiup Nuummi nunap immikkoortuani allaffiata 2005-imi januarip aallaqqaataani attartortut arlallit tamassuminnga akiliuteqartussatut Nukissorfimmut nalunaarutigai.
Attartortut eqqorneqartut inissiaatileqatigiiffiup iliuuseqarneranik nalunaarfigineqarsimanngillat.
Sermitsiami suli atuagassarpassuaqarpoq....