Takorniariaq pukkitsormiu tammartoq nassaarineqarpoq

Pukkitsormiu takornariaq 25-nik ukiulik sisamanngornermi Kangerlussuarmi tammaaneqalersoq ajunngitsoq nassaarineqarpoq.

Taamak politifuldmægtigi Rikke Lundby Jensen Radioaviisimut ilisimatitsivoq.

Pukkitsormiu Kangerlussuarmi pisulluni angalaarsimavoq, kisianni kuuk ikaarniartillugu uppissimavoq. Sarfamik tigusaalluni kuugussaasimavoq, nunamulli qaqeqqissinnaasimalluni.

Pukkitsormiu 25-nik ukiulik sisamanngormat unnukkut Kangerlussuarmut utinngimmat kalerriutigineqarpoq. Politiit angut taanna ujarniarlugu ujaasiartortitsipput.

Politiit Kangerlussuup eqqaat tamaat qulimiguulimmik ujaasiffigaat, tallimanngormallu ualikkut pukkitsormiu tammaaneqartoq nunami nalasoq, atugarlioqisoq qiiaqisorlu kisiaanni uumasoq nassaarineqarluni.

Powered by Labrador CMS