Monday, July 21, 2008 - 08:49

Nuummi inuusuttunut ilinniaqassaq nuaat

Nuup Kommunea
Inuusuttut suliffeqanngitsut ilinniagaqarsimanngitsulluunniit toqqammavissinneqartariaqarput. Tassa Nuup Kommuneata inuusuttunut neqeroorutaata nutaap tunngaviatigut eqqarsaatersuutaa.

Kommunip suliniutaa tunisassiornermik ilinniarfimmut assinguvoq, neqeroorullu septembarimi ammassaaq.

Neqeroorummi inuusuttut assersuutigalugu nerisassiornerup, pilersitseriallaqqissuseq atorlugu atoqqiisarnerup, IT-p qisuillu iluanni tigussaasumik misilittagaqalernissaat pineqarpoq, kisianni aamma inuusuttut sulinerup isumaa ilinniassavaat.

Taamaattumik tunisassiornermik ilinniarfimmi atuartut "atorfeqassapput" akissarsiaqassallutillu. Ilinniarfimmiinnissamut inuusuttut inuttut namminneq iliuusissatut pilersaarutaat tunngavigalugit pissaaq, soorli kommuni aamma inuusuttut suliffeqarfinnut imaluunniit ilinniagaqalernissaannut tunngasutigut pilersaarusiussaaq.

Kommunip inuusuttut ukiumut 15-20-it missaanniittut ilinniartuutigisalernissaat naatsorsuutigaa.

Seneste nyheder / Nutaarsiassat kingulliit