Peqqissaasut ilaasortat qimarrannissaat ernummatigaat
Peqqissaasut kattuffiat PK aamma nunatta napparsimmavissuani pissutsit pillugit isornartorsiuinermut akiliuppoq, aammalu ilaasortat qimarratilernissaat ernumagalugu, knr.gl allappoq.
Dronning Ingridip Napparsimmavissuani pissutsit ilungersunartorsiorfiupput. Napparsimmavik peqqissaasunik amigaateqarpoq, taamaattumillu suliarinninnissat pilersaarutaasut tamaasa unitsissimallugit. Maanna aamma peqqissaasut kattuffiat PK nunatta napparsimmavissuani pissutsinik isornartorsiuinermut akuliuppoq.
PK-p siulittaasua Karin Holler oqarpoq, peqqissaasut sulinerminni atugaat ima ajortigilersimasut, ilaasortat qimarratilernissaat ernumanarsisoq.
- Nunap napparsimmavissuani peqqissaasut aalajangersimasumik atorfillit nappasimmavimmi upalungaarsimanissat kisimiillutik nammassinnaanngilaat, taamaattumillu napparsimmaviup piffissami sivisuumi Danmarkimiit vikarit atortarsimavai. Kisianni maanna Danmarkimi vikarbureu nalunaarpoq, namminneq vikarinik pissarseqqissinnaajunnaarluni. Tamatumanilu peqqissaasut taakkutuaalersut suli ulapaarnerulersussanngorput, Karin Holler oqarpoq.
Kisianni Kalaallit Nunaanniinnaq Danmarkimiinnarlu peqqissaasut amigaatigineqanngillat, Nunani Avannarlerni tamani taamaappoq. Aamma peqqissaasut siulittaasuat naapertorlugu atugassarititaasut neqeroorutigineqartut Kalaallit Nunaannut suliartornissaannut kajumilernissaannut naammaginanngillat.
- Peqqissaasut kiserngoruttut aamma aallagaalissanngippata politikkikkut qanoq iliuuseqartoqarnissaa pisariaqarpoq, taamak Kalaallit Nunaanni peqqissaasut siulittaasuat Karin Holler oqarpoq.