Bill Gates-iusaaq inunnik salloqittaasoq
Kalaallit Nunaanni internetimik atuisartut amerlasuut allakkanut kaaviiaartitanut Bill Gates-imiianingaasannannissamik neriorsuisunut atsioqataasimapput. Microsoft Danmarkip allakkat eqqunngitsuusut taavai, Jyllandsposten allappoq.
”Una quiasaarutaanngilaq, Bill Gates (Microsoftimik piginnittoq) aningaasaassuarminik agguaavoq. Maili una pimoorullugu tigunngikkussiuk peqqissimissaasi!”
Mail-imi inunnit amerlaqisunit tiguneqarsimasumi nalunaarut taamak nipeqarpoq. Allakkanik tigusisoq allakkanik ingerlatitseqqiiguni 245 euro-nik pissarsissasoq neriorsorneqarpoq. Neqeroorutitsialammut tassunga peqqutaavoq, Microsoft aamma AOL misileraanermik mailimut pingaarutilimmut ingerlatsinerat.
Sapaatit akunneri marluk qaangiunnerini aningaasat takkutissapput
Maili naapertorlugu malip ingerlateqqereernerata kingorna sapaatit akuneri marluk tikillugit atuisartup Windows-imik atuinera Microsoftip malinnaafigisinnaavaa. Taava sapaatit akunneri marluk qaangiuppata aningaasat nassiunneqassapput, aamma mailit suulluunniit ingerlateqqikkaanni aamma oorisissutaasartuusungavoq.
Allakkat kaaviiaartitat versionianni Comon.dk-p takusimasaani emailit atsiornerpassuini takusinnaasimavaat, Bill Gates-ip neqeroorutaa inuppaalussuarnit soqutigineqarluarsimasoq, inuit taakku naliliilluarsinnaasariaqaraluarlutillu misissueqqissaarsinnaanermik piginnaasaqarsimasariaqaraluarput. Comon.dk naapertorlugu ilaatigut Esbjergimi akileraartarnermut ingerlatsivimmi sulisut immikkut ilisimasallit mailimi allakkani kaaviiaartitani neriorsuutit piviusunngortinneqarnissaat upperisimavaat. Aamma taamaappoq KMD-mi siunnersorti attaveqatigiinnermut immikkut ilisimasallip, kiisalu Ålborgip kommuniani aningaasaqarnermut ingerlatsivimmi suleqataasup upperisimavaat, Jyllandsposten allappoq.
Mail taanna ataasinngornermi kalaallit nunaanni internetimik atuisartorpaalussuarnut nassiussuunneqarsimavoq, taakkulu mailip asuleerutaannginneranik upperinninnissaq upperilluarsimavaat. - taamak sunaasimagaluarnersoq!
Microsofti nassiussisunnginnerarpoq
Comon.dk-p inuit neriuuteqartut ilaat aningaasanik pissarsisimanersut paasiniarsimavaa. Taamaassimanngitsoq Jyllandsposten allappoq.
Allakkat kaaviiaartitassiat spaniaminngaaneersorineqarput, qallunaatut nutserneqartaqarpoq, taannalu qallunaat (kalaallillumi, aaqq.) neriuuteqarluartut akornanni sapaatip akunnerani kingullermi kaaviiaartinneqarsimapput.
Microsoftip ilisimatitsissutigaa, suliffeqarfissuup allakkat attuumassuteqarfiginngikkai, aammalu aningaasanik eqquiniaatitsinermut atatillugu Microsofti siusinnerusukkut atornerlunneqartarsimasoq.