Ilinniartitsisut nutaat
Ilinniarfissuaq ilinniartitsisunik nutaanik 43-nik allagartartaartitsivoq.
Ilinniarfissuarmi rektor-ip Dorthe Korneliussen-ip meeqqat atuarfianni ilinniartitsisussaaleqineq isertunngilaa allagartartaartitsinermi oqalugiaammini. Aammali neriulluarnerarpoq ilinniartitsisunngortut meeqqat atuarfiannik ineriartortitseqataajumaartut.
– Ullutsinni atuarfeqarfiit eqqaaneqaraangata tamatigungajak ajornartorsiutit malitsigiinnarlugu eqqaaneqartarput. Ilinniartitsisussaaleqinersuaq ullut tamaasa tusartarparput. Kikkut tamarmik isumaqatigiissutigaat qanoq iliuuseqarfiginiartariaqartoq, qaangerniartariaqarlunilu. Tassani oqariaaseq tusartagarput: »Oqaq naammanngilaq assaat sulissapput« tulluarpoq atussallugu, taama Dorthe Korneliussen ataasinngorneq junip 16-iani allagartartaartitsinermi oqalugiaammini oqarpoq.
– Aaqqitassat isiginngitsuusaarneqassanngillat, ajunngitsumut saatinnissaat sulissutigineqartariaqarpoq, tamanna maani Ilinniarfissuarmi annertuumik suleqataaffigaarput. Ingerlariaaseq ataaseq kisiat illersornagu iluaqutaasinnaasut angusaqarfiusinnaasut ammaffigisariaqarpavut. Oqaatsit kusanartut siunertamik kusanartumik imaqaraluarlutik naammanngillat sulisussaqanngippat, taama Dorthe Korneliussen oqarpoq.
Allagartartaartunit 19-it najugarisaq qimannagu ilinniartitaaneq aqqutigalugu ukiut tallimaat affaq ilinniartuusimapput. 24-it qitiusumik ilinniarfissuuarmi ukiut sisamat ilinniartooreerlutik allagartartaarput.
Ilinniartitsisunngortut tassaapput:
Jane Albrechtsen
Max-Yves Audibert
Karen Dorthe Brandt
Margrethe Christensen
Edvard O. Egede
Frederikke Filimonsen
Justine Frederiksen
Aka Grønvold
Trine Hansen
Nive Heilmann
Susi Hinrup
Nukaaraq Holm
Akitsinnguaq Jensen
Inger Jeremiassen
Uusaqqak Kristensen
Knud Lange
Nathan Larsen
Sofie Larsen
Kristian Larsen
Aviaaja Lennert
Naja Lund
Nuuni Lynge
Aani N. Mathiesen
Knud Mathiesen
Nivikkannguaq Mathiessen
Aappalaannguaq Mathiessen
Lis Mortensen
Anja Munch
Lillian Møller
Malene Olesen
Nunni Olsen
Nivikkannguaq Reimer
Aqqa B. Samuelsen
Thele Peter Samuelsen
Laila Sandgreen
Aviaq Steenholdt
Dorthe Storch
Laura Taunajik
Gerda Therkelsen
Heidi Thomsen
Eva Marie Tittussen
Ezekias Ulriksen
Miriam Vang