Papikuujuit marluk Hotel Arctic-imut unissimapput
Papikuujuit marluk aappaa Pashamik aappaalu Kusha-mik atillit Ilulissani Hotel Arctic-imi ingerlaqqissinnaajunnaaqqapput.
Papikuujuit pginnittaallu persiami inuusimasoq Emil Bahri Upernavimmi angerlarsimaffeqartoq qaammat ataaseq feeriassallutik Canadaliartut Travelpeople oqaluttuarpoq.
Ingerlaqqissinnaajunnaarneq pivoq, timmisartoq Upernavimmeersoq pingasunngornermi taamaatiinnarneqarmat, taamalu papikuujuit piginnittaallu sisamanngornermi Ilulissanut tikimmata nalunaarfigineqarput, timmisartorsuaq kangerlussuarmiit Københavniliartussaq angumerisinnaanngikkaat, aammalu ulluni qaninnerpaani Københavnimut timmisartumi inissaqarsinnaanissaat Air Greenlandip neriorsuutigisinnaanngikkaa. Tamatuma kingorna papikuujuit piginnittuallu Emil Hotel Arctic-imi inimut 228-imut inissinneqarput. Tassani Emilip sisamanngornermi hotelip pisortaa Erik Bjerregaardi qinnuigisariaqarsimavaa, papikuujunnut anginermik inissaqarteqqullugit:
– Pashap Kushallu ulluni arlalinni inimi ataasiuttarissami mattusimaneqarnissaq iluarinngilaat, Emil nassuiaavoq. Taassuma tamatuma kingorna ini ataatsimiittarfissuaq atugassarsiaraa. papikuujuit tassani timmiuaarsinnaapput, aamma igasut pisortaata Mihael Mortensenip papikuujuit mamarinerpaasaannik spaghettitugassaqartitarai. Air Greenlandip Københavnimut timmisartorsuarmi inissaqalernissaanik neriorsuisinnaalernissaata tungaanut papikuujuit Ilulissani iluatatsinneqarput - Air Greenlandip akiligaannik.