Aningaasaatilissuup nunatta kujataa tikeraarpaa

Umiarsuaararsuaq nuannaariartaat LONE RANGER HAMILTON BERMUDA-meersoq tallimanngornermi ualikkut Narsarsuarmi umiarsualivimmut tulappoq, nunannaariartaassuup piginnittua Peter Lewis Narsarsuarmut sapaatiuppat nammineq timmisartuutiminik sukkasuuliamik Global Express-imik tikittussaq utaqqiartorlugu. Sermitsiap paasisai naapertorlugit Lone Ranger Kalaallit Nunaata imartaani ulluni 14-ini angalaassaaq.

Peter Lewis milliardilikkaanik kaaviiaartitalimmi Progressive Insurance Corporatiuon-imi siusinnerusukkut pisortaasimalluni maannakkut siulersuisuni siulittaasuuvoq, suliffeqarfik biilinut sillimasiinermut ingerlatsivik USA-mi Cleveland-imi angerlarsimaffilik Peter Lewisillu ataataanit pilersinneqarsimasoq. Internetimi nittartagaq discoverthenetworks.org naapertorlugu Peter Lewis milliardæriuvoq USA-mi Demokratinut sulianullu saamerliit suliaannut tunngasunut allanut allanut tapersersuisuusoq, allaat marihuanap inerteqqutaajunnaarnissaa. Peqatigitillugu milliardæri ikiuiumatoorlu George Soros ikinngutigilluartuuaa. Marluullutik suliniaqatigiiffik »America coming together« tapersersorsimavaat, suliniaqatigiiffiup siunertarisimavaa George W. Buship 2004-mi USA-mi prlsidentitut qinigaaqqinnissaata pinngitsoortinnissaa.