Poortukkat Kastrupimi qaleriiaaginnalerput
København-imiit Narsarsuarmut aqqummi poortukkat allakkallu nunatta kujataanut timmisartukkut nassiussat qimaannarneqarput.
TELE POST naapertorlugu maannakkorpiaq poortukkat 826 kilo timmisartukkut nassiussassat uninngapput, taakkunannga poortukkat ataasiakkaat 2008-mi juunip 11-ianili tunniunneqarsimasinnaallutik.
Post Danmarkip allakkat poortukkallu Danmarkimiit Kalaallit Nunaaliartut akisussaaffigai. Post Danmarkip ilisimatitsissutigaa, poortukkat timmisartukkut nassiussat Kalaallit Nunuaata kujataanukartussat timmisartunut aallartunut assartortarsimannginnerannut peqqutaasoq, Post Danmark Air Greenlandimi allakkanut inissatut inniminniikkani Air Greenlandimiit pisimannginnamiuk, timmisartuussinerni taakkunani ilaasut amerlavallaartut ilaasorisarsimanerat peqqutaalluni.
Naatsorsuutigineqarpoq, Kalaallit Nunaata kujataanukartut allakkat poortukkallu qimaannakkat Narsarsuarmut timmisartuussinissani tulliuttuni marlunni inissaqartinneqassasut, taamalu allakkanik poortukkanillu timmisartukkut nassiussani pissutsit sapaatip akunnerata 27-iata naanerani pissusissamissuuleqqissasut, POST Greenland tusagassiorfinnut nalunaarummi allappoq.
Peqatigitillugu POST Greenlandip "allakkatigut poortukkatigullu aoirnartorsiutit Kalaallit Nunaata kujataanut timmisartukkut nassiunneqarsimasussaagaluit qimaannakkat malitsigisimasaat" ajuusaarutigaa.