Tuapannguit 1-imi piginneqataassutit tamarmik tunineqarput
Namminersornerusut inissiataanni attartortittakkani attartortut Tuapannguit 1-imi piginneqatigiilluni inissiaatinik pisinissamut neqeroorutit 58-it naasiunneqarsimapput.
Annonce
Blok 1-imi piginneqatigiissutinut tamanut bilettit neqeroorutigineqarsimapput.
Piginneqatigiissutit attartortunut attartortutut qaffasinnerpaamik inissisimasunut tunineqartussaammata neqeroorutit tamaasa takussutissartaat ilanngullugit misissorneqassapput. Tamatuma kingorna neqeroortut tamarmik akuerineqarnermik itigartinneqarnermilluunniit nalunaarfigineqassapput, namminersornerusut ilisimatitsipput.
Tuapannguani attartoqqaartuusimasut 13-init kisimik inissiaqarfimmut Tårn 1-imut utissapput. Attartortut 17-it allat inissiaqarfinnit allaneersuupput.