Nunanit allamiunut kiffartuussiviup immersugassat naleqqussassavai
Kalaallit ilaqutariittut ataatsimuulernissamik qinnuteqartut qallunaat piumasaqaataannut atsiussanngillat. Nunanit allamiunut kiffartuussiviup qinneqarnermi immersugassiat kalaallit nunaannut naleqqussarlugit aallarereerpai.
Taamak Nunanit allamiunut kiffartuussivimmi npaasissutissiinermut pisortaa Morten Bo Laursen ilisimatitsissuteqarpoq. Taanna oqarpoq, Nunanit allamiunut kiffartuussiviup immersugassiat kallaallit ilaquttaminnik ataatsimoortitsilerniarlutik qinnuteqarnermi atugassaat utaqqiisaagallartumik sakkukinnerulersinniarlugit suliarineqartut.
– Ulluni qaninnerpaani tulliuttuni immersugassiaatigut utaqqiisaagallartumik naleqqussassavagut, pissutsini pingaarnerni kalaallit nunaanni pissutsinut naleqqussagaaniassammata. Morten Bo Laursen sermitsiaq.gl-imut e-amail-imini allappoq.
Naleqqussarneqartussanut ilaavoq ilaqutariittut ataatsimuulersitsiniarluni qinnuteqaammi inooqatigisap qallunaatut ilinniartinnissaata isumaginissaanut uppernarsaalluni atsiorneq. Tamanna Kalaallit Nunaanniit qinnuteqartuugaanni piumasaqaatip taassuma atsorneqarnissaanik isumaqartitsilersimappat kukkuneruvoq, Morten Bo Laursen oqarpoq.
Taassuma aamma ilisimatitsisuutigaa, Nunanit allamiunut kiffartuussiviup Danmarkimi najugaqarnissamut »ataatsimoortukkanut qinneqarfissat«-mik taagorneqartut sukumiisumik naleqqussarlugit aallartikkai. Suliassaq annertujaarpoq, sivisulaamillu ingerlanneqareerluni, aammalu nakkutilliisoqarfiup ukiamut piareersinnaanissaa naatsorsuutigigaa.