HTX-ertunut nersornaatit
Sisimiuni HTX-itut ilinniarnertuunngortut Aviannguaq Kreutzmannip, Tonny Fiskerip aamma Sara Berthelsenip qaffasinnerpaanik agguaqatigiisillugu karaktereqarnermikkut Nuna Fondip aningaasaateqarfiata nersornaataanik nersornaatisinneqarput.
Annonse
Aviannguaq Kreutzmann aammaTonny Fisker tamarmik 10.000 kronennapput. Taakkua karakterii agguaqatigiisillugu 10,1-iupput. Sara Berthelsen agguaqatigiisillugu 9,3-mik karaktereqartoq 5.000 kronennappoq.
Sisimiut Kommuneata nersornaataa Aviannguaq Kreutzmannimut aamma Tonny Fiskerimut tunniunneqarpoq. Aamma HTX-imi ilinniartitsisut nersornaataat Natuk Dorph Lennertimut kammalaatsitsialaanera, inoqatiminut isumassuisuunera, eqeersimaartuunera aammalu pisussaaffimminut ataqqinnittuunera pillugu tunniunneqarpoq.