Sisimiut Klaksvik-ilu seqernup nukinga suleqatigiissutigaat

Nunani avannarlerni suliniummi nutaami seqernup nukinga atorlugu kiassaariaatsinik silami atoruminaatsumi atorneqarsinnaasussanik ineriartortitsiviginiarneqarpoq.

Sisimiut har erfaringer med forsøg på at spare på energien. Foto af byens lavenergihus./ Sisimiuni nukissiornermi sipaarniarnermut misileraaneq misilittagaqarfiuvoq. Illoqarfimmi illup nukissiornermik sipaarfiusup assinga.

Suliniut NORA-mit aningaasaliiffigineqaqqammersoq - nunat avannarliit atlantikoq akimorlugu suleqatigiinneq 450.000 kr.-inik suliniarfiup ukiuani siulermi atugassanik tapiiffigineqarpoq, illoqarfiit savalimmiuni Klaksvik-ip kalaallit nunaannilu Sisimiut akornanni suleqatigiinneq. Taamak nunaarsiassaqartitsivik Nordatlanten allappoq.

Sisimiuni seqernup nukinganik kiassaatinik atortoqarneq misilittagaqarfigineqareerpoq. Taakkua nalilersorneqassapput Sisimiullu avataani nunaqarfimmi kiassaateqarfimmik nutaamik pilersitsiniarnermut toqqammavigineqartussaallutik.

Suliniummik suleqatigiissut illoqarfigisami suleqatit namminersortuneersut teknikkikkullu ilinniarfiit suleqatigalugit Klaksvik-imi kiassaateqarfik angisooq takutitassiaq sanassavaat, seqernup qinngornerinik kiassaateqarfimmik anorillu nukinganik nukissiuuteqarfimmik atortoqartussaq. Kiassaateqarfik timersortarfinnik marlunnik nalunnartfimmillu kiassaasussaq illoqarfimmut aalisarnermik qangaaniilli inuussutissarsiorfiusumut teknologi-kkut nutaaliamik avatangiisinullu tunngasutigut nutaaliorfittut ilisarnaatigissavaa.

Teknikkikkut aningaasaqarnikkullu misissuinerit iluatsissinnaasoq takutippassuk suliniut piffissaq sivisunerusoq eqqarsaatigalugu aningaasarsiornissaq siunertaralugu seqernup nukinganik kiassaateqarfinnik tunisassiornissamik inerneqarsinnaavoq, pingaartumik Kalaallit Nunaanni niuerfiit eqqarsaatigalugit.

Illoqarfinni marluusuni kiassaateqarfiit teknikkikkut ilinniarfiit suleqatigalugit sananeqassapput.

Powered by Labrador CMS