Sinngertaat: Sallunngilanga
Tasiilami politeeqarfiup pisortaata Kristian Sinngertaap naalakkersuisuni ilaasortamit Aqqalu Aelsenimit upperineqannginnini puffassimaarutigaa.
Politiit maj-junimi sapaatit akunnerisa pingasut ingerlanerini imminornissamik sioorasaarisorpassuarnik nalaataqarsimanerarlugit oqaaserinikuusani ilaqutariinnermut peqqinnermullu naalakkersuisup Aqqalu Abelsenip apeqqusermagit iluarinngilaa.
Kristian Sinngertaap KNR-ikkut »mianersoqqusinerata« kingornatigut ilaqutariinnut peqqinnermullu naalakkersuisoq sumiiffimmi pisortaasunik oqaloqatiginnikkiartorluni Tasiilaliarasuarpoq.
Tikeraarnermi kingorna Aqqalu Abelsen KNR-imut oqarpoq, imminorniarlutik sioorasaarisimasut qanoq amerlatigisimanerat nalorninaateqartoq.
- Oqaannarsinnaagaluarpoq, Kristian Sinngertaat sallutoorujussuuvoq, politeeqarfiup pisortaa kissaammersimaavilluni oqarpoq.
Isornartorsiuinermut tunngatillugu Aqqalu Abelsen oqarpoq, isumaginnittoqarfiup oqaluttuussimagaani, namminneq imminoriarsimasumik ataasiinnavimmik ilisimasaqarlutik, imminornissamillu sioorasaarisimasorpassuit taamaallaat tusagassiuutitigut tusarsimagitik.
- Tamanna tupinnartoqanngilluinnarpoq, Abelsen oqarpoq.
Sermitsiaq atuaruk...