KL

DK

Tasiilami meeqqat isiginnaartitsisut

Karen LIttauer aamma Orto Ignatiussen Tasiilamut uterput neriorsuillutillu Tasiilami meeqqanut inuusutunullu aasaanerani sammisassarpassuaqassasoq.

Igen i år er der sommeraktiviteter for børnene i Tasiilaq./ Tasiilami meeqqat ukioq manna aasaanerani aamma sammisassaqartinneqassapput.
Karen Littauer og Orto Ignatiussen står for sommerens børneaktiviteter i Tasiilaq./ Karen Littauerip Ottot Ignatiussenillu aasaaneranni sammisassaqartitsinissaq ingerlataraat.
Igen i år er der sommeraktiviteter for børnene i Tasiilaq./ Tasiilami meeqqat ukioq manna aasaanerani aamma sammisassaqartinneqassapput. Karen Littauer og Orto Ignatiussen står for sommerens børneaktiviteter i Tasiilaq./ Karen Littauerip Ottot Ignatiussenillu aasaaneranni sammisassaqartitsinissaq ingerlataraat. Igen i år er der sommeraktiviteter for børnene i Tasiilaq./ Tasiilami meeqqat ukioq manna aasaanerani aamma sammisassaqartinneqassapput. Karen Littauer og Orto Ignatiussen står for sommerens børneaktiviteter i Tasiilaq./ Karen Littauerip Ottot Ignatiussenillu aasaaneranni sammisassaqartitsinissaq ingerlataraat. Igen i år er der sommeraktiviteter for børnene i Tasiilaq./ Tasiilami meeqqat ukioq manna aasaanerani aamma sammisassaqartinneqassapput. Karen Littauer og Orto Ignatiussen står for sommerens børneaktiviteter i Tasiilaq./ Karen Littauerip Ottot Ignatiussenillu aasaaneranni sammisassaqartitsinissaq ingerlataraat.
netredaktion (netredaktion@sermitsiaq.ag)

Inuiattut ullorsiornermi junip 21-ianni Tunumi meeqqat inuusuttullu isiginnaartitsisartoqatigiit "Qinngornitt" "Tupillutik Angalapput" isiginnaartitsissutigissavaat. Tassani pineqarpoq qaamasumik amillit Kalaallit Nunaannut tikinnerat, tamatumuunakkullu suliniut sapaatip akunnerinik arfinilinnik sivisussusilik aallartinneqassaaq.

Orto Ignatiussen 11-issaa ullormi inuiattut ullorsiorfimmi isiginnaartitsinermik aaqqissuussivoq, isiginnaagassiarli aasaanerani sammisassarpassuit ilagiinnarpaat, ukioq manna Tasiilami ingerlanneqartussat. Aamma aasaanerani isiginnaartitsinermik ilinniarfeqassaaq Sverigemit Danmarkimilli ilisimasalinnik ilitsersuisulerluni. Tamakkua aasaanerani atuanngiffeqarnermi Tasiilamukassapput Orto Ignatiussen aamma Nuka Pivat suleqatigalugit sapaatip akunnerini arfinilinni suliniuteqassallutik, ilaatigut isiginnaartitsisartoqatigiinnut Tasiilamilu meeqqanut inuusuttunullu allanut tamanut piumasunut aasaanerani isiginnaartitsinermik ilinniarfimmik ingerlatsillutik. Nuka Pivat, 21-inik ukiulik, nammineq meraalluni inuusuttuaraallunilu isiginnaartitseqatigiinni ilinniartuusimavoq. Taassuma suleqatigiinni isumassarsiortuni peqataanissani qilanaaraa. Taanna aasaq manna Nuummi ilinniarnertuunngussaaq suliassallu pissanganartut qilanaarai.

Aasaanerani sammititsinissarpassuarnut atatillugu suliniuteqarnermik pisortaq Karen Littauer eqqumiitsuliortunik perorsaanermik tunuliaqutalinnik ilisimasalinnik nunanit avannarlerneersunik katiterisimavoq Kalaallit Nunaanneersunik, Sverigemeersunik Danmarkimeersunillu erinarsornerup, nipilersornerup isiginnaartitsinerup filmiliornerullu iluini. Taamaattumik isiginnaartitsineq uummaarissuussaaq, meeqqat inuusuttullu eqqumiitsuliornerit assigiinngisut iluini ilikkakkaminnik takutitsissallutik.

Isiginnaartitsinermik ilinniarfiup saniatigut nunaqarfinnut eqqaaniittunut sammisaqartitsiniarluni angalanissaq pilersaarutaavoq, soorluttaaq inuusuttunut imminut tatiginermik pikkorissartitsisoqassasoq, postkortinik titartaanermik unammisitsisoqassaaq saqqummersinertalimmik, Lego-p ullua, isumassarsiorluni sammisat inuusuttunit utoqqaat illuarmiunut aaqqissuussat allarpassuillu.

Arfinilissaa Orto Ignatiussen aamma Karen Littauer meeqqanut inuusuttunullu annertuumik suliniuteqarput. Suliniutit qaammatinik 1-miit 3-nut sivisussuseqarajupput. Ukioq manna suliniutip qulequtaraa "Upperneq neriunneq asanninnerlu".

nunatsinnit inuiagatigiit
Powered by Labrador CMS