Nuuk TV millioninik sinneqartooruteqartoq
Illoqarfiit pingaarnersaata tv-a 2007-imi ingerlatsinermut sinneqartoorutai 1,3 millioner kruuniupput.
Annonse
Kaaviiaartitat 10 procentimik qaffallutik maanna 19 millioner kruuninngorput, tamanna ataatsimeersuarnermi marlunngornermi ingerlanneqartumi saqqummiunneqarpoq, nutaarsiassat "1915" oqaluttuarput.
Ilaasortat taasisinnaatitaasut 42-t ataatsimeersuarnermut takkussimapput, tassanilu siulersuisuni siulittaasup qinigaaqqittup nalunaarutigaa, Nuuk TV-imi peqatigiiffiup ilaasortaasa maanna 4.000-it angungajalerai. Maannakkorpiaq ilaasortatut nalunaarsorneqarsimasut 3.800-uupput.