Kilisaammi unioqqutitsisoqannginnerarpaa

Kilitaasaatileqatigiit Saattuaq-p kilisaatip fabrikiutigisup "Polar Princess"-ip aalisarnermut inatsisini aalajangersakkanik unioqqutitsisimaneragaanera itigartippaa.

Polar Princess ved kaj i Fredericia Havn 2007./Polar Princess 2007-imi Fredericiap umiarsualiviani.

Kilisaataatileqatigiit Polar Seafood-imut ilaapput, tassanngaaniillu Vædderen-ip nakkutilliisuiniit paasissutissat isornartorsiorpaat. Nakkutilliisut ullup unnuallu ingerlanerani nalunaarusiaq naapertorlugu "kalaallit nunaanni aalisarnermi aalajangersakkanik arlalinnik unioqqutitsisoqarsimasoq paasivaat". Polar Seafood-imi siulersuisuni siulittaasup Keld Holmstrupip unioqqutsinneqartutut taagukkat arlallit eqqunngitsuusut oqaatigaa.

Keld Holmstrup naapertorlugu kilisaammi aalisarnermut atortunik inerteqqutinik peqanngilaq. Kilisaammut "hovedkappel"-imim taaneqartartoq ikkunneqarsimavoq, taannalu inerteqqutaanngilaq, Holmstrup erseqqissaavoq.

– Maskinna taamaattoq Kalaallit Nunaanni nunarsuullu sinnerani kilisaatini fabrikkiutigisuni tamanni ikkussugaavoq, tamannalu siusinnerusukkut ajornartorsiutaanngisaannarsimavoq, Keld Holmstrup tusagassiorfinnut nalunaarummi allappoq.

Polar Seafood-ip unnerluusissut akuerinngilaa, taamaattumi tamanna eqqartuussisumut tunniunneqassaaq.

Aamma aalisarnermik nakkutilliisuniit "stuvereglerne" pillugit unioqqutitsineraaneraallutik pasinninnerat atorsinnaanngilaq, Polar Seafood isumaqarpoq. Keld Holmstrupip erseqqissarpaa, kilisaatip naalagaata 2006-imi misissuiffigineqarnerulli kingorna malittarisassat erseqqinnerusut ujartorsimavai, taamanikkut aalajangersakkat qanoq paasineqarnissaat ajornartorsiutitaqarmata. Tamannalu Kalaallit Nunaanni aalisarnermut Nakkutilliisoqarfimmut paasiniarsimavaa, kisianni tassanngaaniit suli qisuariartoqarsimanngilaq, Keld Holmstrup erseqqissaavoq.

Sermitsiamiit Kalaallit Nunaanni sakkutuut Imarsiortuniit nakkutilliinermik nutaarsiassanik tunniussisuusuniit oqaaseqartitsiniaraluaratta iluatsinngilarput.

Powered by Labrador CMS