IA: Issittumi Imarpimmi Siunnersuisoqatigiit (Arctic Ocean Council) pilersilli
– Naalakkersuisut apeqqut taanna Ilulissani isumasioqatigiinnermi pimoorullugu suliarisariaqarpaat, Inuit Ataqatigiit isumaqarput.
– Issittup Imarpissua sikuerukkiartornera ilutigalugu umiarsuakkut angallannermi assartuinermut aqqutit pingaartillit ilatigilersussaavaat. Olieqarneranik gaseqarneranillu ilimasunnerit aporaannissamut peqqutaaqqajaalereerput.
– Issittumi Imarpik pillug Siunnersuisoqatigiit (Arctic Ocean Coucil) pilersittariaqarpoq, aamma "Siunnersuisoqatigiit" Kalaallit Nunaanni angerlarsimaffeqassapput, Inuit Ataqatigiit isumaqarput.
Partiimi allatsi Manasse Berthelsen: - FN-ip imarpinni piginnaatitaaffiit soqutiginngivillugit russit erfalasortik siorna Issittup Imarpissuata naqqanut napparpaat. Saniatigut aamma Canadamiut naalakkersuisuisa issittumi immikkoortortaminni salkkutooqarnikkut annertusaanissartik ilimasaarutigaat, taamalu pilersaarutit tamakku Canadap USA-llu akornanni sakkulerngusaannermut peqqutaalereerlutik.
– Danmark/kalaallit Nunaata nunavissuup toqqavianik misissuillutik ukiorpaalunni ingerlareersimapput, ilaatigut canadamiut suleqatigalugit.
– Naalakkersuisut isumasioqatigiinnissamik pilersaarutaasumi naalakkersuisut nunanut allanut erseqqissartariaqarpaat, periutsit sianiilliorpallannerusut tamakku akuerisinnaanngilluinnarivut. Akerlianik Imarpiit pillugit isumaqatigiissutit ataqqisariaqarput.
Inuit Ataqatigiit isumaqarput nunat Issittup Imarpissuanut killeqarfeqartut tamarmik "Siunnersuisoqatigiit"-ni ilaasortaassasut.
Manasse Berthelsen naapertorlugu "Siunnersuisoqatigiit" ingerlatsivinni ukunani aqutsisuullutillu aalajangiisartuussasut: Umiarsuit aqqutaannik aalajangersaanerit, umiarsuit sunik ueqarsinnaanerannik aalajangersaanerit, imarpimmi tamaani pisuussutit uumassusillit uumassuseqanngitsullu pillugit aqutsinissanut tunngatillugu aalajangiisarnissat, ajunaarnersuaqarsinnaaneranut tunngatillugu upalungaarsimanissamut tunngatillugu ataatsimoortumik ingerlatsinissaq.