Ineqarnermut akiliut millissaaq
INI sinneqartooruteqarpoq - ineqarnermut akiliutissat 242 kr.-nik imaluunniit 150 kr.-nik ikilisinneqassaaq
Ineqarnermut akiliutit juunip qaammataani minnerulaassapput.
– Ingerlatsinermi salliusumi INI sinneqartooruteqarpoq. Taamaattumik INI maannakkut periarfissaqarpoq erniatigut isertitanik agguaassissalluni, aningaasaqarnermut direktøri, Charlotte Wordenskjold Nørregaard nalunaarpoq.
– Agguaassineq pissaaq juunip qaammataanut ineqarnermut akiliutit akikinnerutinnerisigut. Attartortut taamaalillutik misigisinnaassavaat ineqarnermut akiliutissat 242 kr.-nik imaluunniit 150 kr.-nik ikilisinneqarsimaneri. Akikilliliinerit angissusiinut apeqqutaavoq najugaqarfittut immikkoortortaqarfik aqutsissussinermut tamakkiisumik akiliisarnersoq. Tamanna 2008-mut missingersuutini takuneqarsinnaavoq.
Katillugit agguaanneqassapput kr. 2,3 mio.
Ineqarnermut akiliutaasartut pingaarutilinnit pingasunit katitigaapput, siulliit tassaapput sanaartukkanik piginnittumut aningaasaliissutinit erniasiassat, tulliuttut tassaallutik najugaqarfittut immikkoortortaqarfimmik ingerlatsinermut akileeqataassutit kingulliillu tassaallutik INIp aqutsissussineranut akiliutit. Kingullertut taaneqartoq tassaavoq juunip qaammataani nalinginnaasumit minnerulaartussaq.