Jens Rosing toquvoq
Titartaasartoq, qalipaasoq atuakkiortorlu Jens Rosing sivisuumik napparsimareerluni arfininngormat unnuakkut toquvoq, KNR taama ilisimatitsivoq
Annonse
Jens Rosing atuakkiarpassuaqarpoq, eqqumiitsuliortutullu sulinermini ilaatigut Ilinniarfissuaq Nuummiittoq kusassaasersorsimallugu. Titartaaqqissorsuugamilu ilaatigut aamma 150-it missilorlugit frimærkiliorsimavoq. Kalaallillu julemærkiisa siullersaat 1974-mi saqqummersoq aamma taassumap titartagaraa.
Titartaasartuunersmi, qalipaasuunermi atuakkiortuunermilu saniatigut Jens Rosing aamma Norgemi, Finlandimi minnerunngitsumillu Kalaallit Nunaanni tuttuuteqartarsimavoq, KNR taama ilisimatitsivoq.
Jens Rosing 82-nik ukioqarluni toquvoq.