Aviisip oqaluffik pinngortitamik akisussaassuseqarnerulersissavaa
Dnaske Kirkers Rådip ataani silap pissusianut gruppip aviisi "oqaluffiit qorsunngortiguk" saqqummersissavaa, siunertaralugu nunami oqaluffiit avatangiisinik mianerinninnerulernissaat. Biskoppit arlallit suliniut nuannaarutigaat, taamatut allappoq Kristeligt Dagblad.
Annonse
Aviisikkut, Danske Kirkers Rådip ataani silap pissusianut gruppip saqqummersitaatigut, inassutigineqarpoq silap pissusia ikiorserniarlugu oqaluffiit piviusumik iliuuseqassasut. Upperisarsiornikkut piviusumillu. Aviisi "Oqaluffiit qorsunngortiguk" oqaluffinnut pærinik sipaarniutinik atuinissamik pitsaasunik siunnersuiinnanngilaq, aammattaarli annertunerusumik nassuiarlugu mingutsitsineq nunarsuarmi nunanut piitsuunerpaanut qanoq kinguneqaateqarnersoq, Kristeligt Dagblad allappoq.
Aamma nunatta biskoppiata Sofie Petersenip oqaluffiit kajumissaarpai avatangiisit mianerilerneroqqullugit.
- Qanorluunniit upperisaqaraluarutta ataatsimoorluta nunarsuarput uumassusaalu paarisariaqarpavut, "Oqaluffiit qorsunngortiguk"-mut oqarpoq.