Politiit suli Adam Petersen ujaaraat
– Arfininngormat unnukkumiilli inuit arfineq marluk ujaasitippagut, Paamiuni politeeqarfiup pisortaa Bo Edvartsen oqarpoq
Paamiuni polititit 77-nik ukiulik Adam Petersen suli ujaaraat.
– Massakkorpiaq ilimanarsinnaasunik alakkarterivugut. Adam Petersen angallavigisarnikuusaanik aalisarfigisarnikuusaanillu, Bo Edvartsen oqarpoq.
– Arfininngormat unnukkumiilli inuit arfineq marluk ujaasitippagut. Taakkulu saniatigut aamma arlalinnik namminneq piumassutsiminnik Adam Petersenimik ujaaseqataasoqarpoq.
Adam Petersen 170 centimeterinik angissuseqarpoq, qeeqarluni tuattuullunilu kingullermillu arfininngornermi majip 22-ianni nalunaaqutaq ualikkut 15-ip missaani takuneqarsimavoq.
– Paamiut qeqertaasartaat tamaat pisulluta timmisartumiillu ujaasiffinikuuarput. Nassaarinissaata imaluunniit qanoq pisimanerata paasinissaamut ujaasiuarallassaagut, politeeqarfiup pisortaa oqarpoq.