Russit kilisaataataat pillaammik akiliisitaasoq

Russit kilisaataataa Amerloq eqqartuussinertaqanngitsumik pillaammik akiliisitaavoq, mianersoqquneqarlunilu.

Umiarsuup nakkutilliissutip misissuiartortitaasa paasivaat, pisanik suliarinniffiup qaava ima suliarineqarsimasoq, pisat toqqaannartumik imaanut nakkaatinneqarsinnaallutik.

Umiarsuaq imasut suliassanngilaq, pisat pisanik suliarinnittarfiup qaavaniit imaanut toqqaannartumik eqqarneqarsinnaasunngorlugit. Umiarsuup aquttuata nassuerutigaa, pisat pisanik suliarinnittarfiup qaavaniit imaanut toqqaannartumik nakkaatinneqarsinnaasut. Aquttup nalunaarummi allassimasut eqeersimaarfigisimanngilai, pisaqarsinnaatitaanermut akuersissummi piumasaqaatit allat pingaarnerutissimallugit. Tamatumanilu norsket naatsorsueriaasiat atorsimallugu. Taamaaliornermigut "imminut salloqittarsimavoq", tassa pisani ingasaallugit nalunaarutigisimagamigit. Suliani taamaattuni aquttuusoq nalumaarut pillugu ilitsersuunneqartarpoq.

Aquttup eqqartuussinertaqanngitsumik 20.000 dkr.-inik pillaammik akiliisitaaneq akueraa, Kalaallit Nunaanni Sakkutooqarfik allappoq.

Powered by Labrador CMS