Aalisariutini naalagassat nutaat
Imarsiornermik Ilinniarfimmiit Paamiuniittumit aalisariutini naalaganngortut arfinillit.
Ilinniartunit quliusunit arfinillit angusipput, sisamallu imminnut naalakkatut taasinnaalertinnatik ilinniartitsissutini ataasiakkaani uteqqeeqqaartariaqarput.
Naalagassanngortut arfiniliusut ilaat ataaseq aalisariummi naalagassatut 1. gradimi angusivoq. Imaappoq kilisaammi 45 meterinik takinerusumi naalaganngorsinnaalerpoq. Sinneri tallimat 3. grad-imi naalaganngorsinnaalerput, tassa aalisariutini 45 meterinit takinerunngitsuni naalagaasinnaalerput, soorlu Pajuttaat-itut angitigisuni.
Naalaganngortut arfinillit akornanni ataaseq kystskipperitut upernarsaatitaarpoq, taamaalillunilu assersuutigalugu umiarsuarni ilaasartaatini naalaganngorsinnaalerluni. Naalaganngortut tamarmik nunatta imartaaniinnaq umiarsuarni naalagaasinnaapput.
Naalaganngortut tassaapput:
Steffen Danielsen (1. grad), Qaqortoq, Edvard Mathiesen (3. grad), Sisimiut, Louis Hansen (3. grad), Qaqortoq, Absalon Knudsen (3. grad), Paamiut, Silas Knudsen (3. grad), Maniitsoq, Niels Kristian Larsen (3. grad), Sisimiut aamma Jens Ole Thomassen (3. grad), Ilulissat.
Ilinniakkaminnik naammasseqqammersut umiarsuarni naalakkatut atuussinnaanissamut akuersissummik pissagunik umiarsuarni ukiuni marlunni aquttutut suleqqaarsimasariaqarput.