Aqqutissiuussisut nutaat qulit
Nunatsinni aqqutissiuussinermik aqutsisoqarfik (CVG – Center for Vejledning i Grønland) aqqutissiuussinermik tunngaviusumik ilinniartitsereerluni (VGU – Vejleder Grunduddannelsen) maanna soraarummeersitseqqammerpoq, naammassisut akornanni maanaannaq unittoqarsimanani.
Ilinniartut 10-it tamarmik soraarummeernissaminnut naggataarutaasumik suliaminnik tunniussipput angusillutillu.
Aqqutissiuussisut nutaat Uummannamiit Qaqortoq tikillugu aggertuupput, suliffeqarfinniillu assigiinngitsuneersuullutik soorlu Meeqqat atuarfii, Piareersarfiit, suliffissarsiuussisarfiit kiisalu inuutissarsiornermik ilinniarfiit.
Naggataarutaasumik suliat allannguinissaq ineriartortitsinissarlu anguniakka-tut aallaavigisimavaat – ilinniartunut suliffeqarfiinullu iluaqutissatut.
Naggataarutaasumik suliat tamarmik pilersaarusiornikkut aallartisarneqarput, taakkualu ingerlaqqinnerupput innuttaasut akornanni aqqutissiuussinermut neqeroorutigineqarsinnaasumut pitsaasumik kinguneqartussat.
September-imi tunngaviusumik aqqutissiuussisunngorniarnermi hold-i nutaaq aallartissaaq ukiorlu manna ingerlateriikkani misilittakkat pilersaarusiornermut ilaatinneqassapput.
Sinerissami aqqutissiuussisut tamarmik internet-ikkut ”naapinnissaminnut” periarfissaqalernikuupput tassani misilittakkamininnik avitseqatigiissinnaallutik, taamaalillutillu aqqutissiuussinerup inerikkiartortinnissaanut sakkussaqarlualerlutik.
Ilinniartitaaneq ukioq ataaseq sivisussuseqarpoq, atuagarsornermik suliffimmilu misiligaanermik imaqarluni akunnernillu 420-nik sivisussuseqarluni.
Atuakkat tamarmik qallunaatuujupput, atuartitaanerli qallunaatut kalaallisullu ingerlanneqarpoq. Aqqutissiuussisut ilinniartitaaneranni qarasaasiakkut aqqut ilinniarfittut (internet) aamma atorneqarsimavoq.
Aqqutissiuussisutut/Vejlederitut naammassisut, juni 2008
Saamerlermiit: Olene Geisler, Piareersarfik, Qasigiannguit, Tupaarnaq Lennert, Piareersarfik, Sisimiut, Naja Pedersen, Qorsussuaq, NuukNaja L. Petersen, Saviminilerinermik Ilinniarfik, Nuuk, Karla Qvist, Piareersarfik, Aasiaat, Hanneanna Heilmann, Suliffissarsiuussisarfik, Ilulissat, Lars Sørensen, Juunarsip Atuarfia, Qasigiannguit, Emma L. Ludvigsen, Niuernermik Ilinniarfik, Nuuk, Pavia Nielsen, Piareersarfik, Uummannaq, Lone Josefsen, Nuussuup Atuarfia, Nuuk.