Nuummi Rådhusip eqqaani pujortarneq inerteqqutaalerpoq
Rådhusimi sulisunit ataavartumik maalaaruteqartartoqareersorlu Nuup borgmesteria Nikolaj Heinrich aalajangerpoq Rådhusip silataani allagartanik pujortaqqusinngissutinik nivinngaasoqassasoq, taamatut allappoq nuuk.gl.
Annonse
Rådhusimi sulisut suliffimmik pujortarfiunngitsumik ima sungiussisimatigipput, silami pujortartunit sikatsip pujua allaat ippinnarilersimallugu. Tassami innuttaasut, rådhusimut saaffiginnittut, minnerunngitsumillu sulisut pujortartartut, matumit aniinnavillutillu sikaritsi ikittarpaat pujortarlutillu Nuup Kommuneani sulisunik ippigusutsitsillutik. Tassami sikatsip pujua matukkut igalaakkullu isaasarpoq.
Malittarisassaqanngilaq tamanit tikinneqarsinnaasumit qanoq qanitsigisumi pujortartoqarsinnaanersoq, allagartalli pujortaqqusinngissutit takutissavaat Rådhusimi sulisut eqqarsaatigineqassasut, taamaattumillu pujortartartut isaarissap qanittuani pujortassanngitsut.
Allagartat siunissami qaninnerpaami nivinngarneqassapput.