Atammimmut aqqutaa nalunaarsorneqassaaq
Nuup Atammiullu akornanni aqqut atorluarneqaqisoq aammali ikkarluppassualik piffissami aggersumi immap assinganut nalunaarsugassanut ilaavoq. Uuttortaanerit immap assinganik pitsaanersumik kinguneqartussaavoq.
Kalaallit Nunaata imartaanik uuttortaanerit aallarteqqammerput, SKA-bådit 12 aamma 16 atorlugit kalaallit nunaata nunap iluagut aqqutai aasaaneranni uuttortarneqassallutik.
Suliassaq siulleq tassaavoq, Atammimmut aqqutaa, tassungalu atatillugn SKA-12 immikkut atortulersorneqarpoq, ekkolodi immikkut imaanut ikkattumut naatsorsuussaq, Illersornissamut sakkutuut internetimi qullernermini allapput.
SKA-16 aamma SKA-12 Atammimmut aqqutaanik uuttortaareerunik Paamiuliassapput, Paamiuniit kujammut aamma Paamiuniit avannamut nunap iluagut aqqutaa nalunaarsorneqassalluni. Aasap qeteqqunnerani suli kumammut ingerlaqqissapput, tamatumuuna ilaatigut Narsap eqqaaniittut Ikersuaq/Bredefjorden aamma Tunulliarfik/Skovfjord uuttortarneqassallutik.
Septembarimi Ikerasassuaq/Prins Christians Sund - pingaartumik kitaanii pulariai - uuttortarneqassallutik. Ikerasassuaq nunatta kujaterpiaani Nunatta Isua uiartinnginniarlugu umiarsuarnit ikerasaqquttagaavoq.
Ikerasassuaq ukiut tamaasa ilaatigut umiarsuarnit takornariartaassuarnit tusindilikkaanik ilaasulinnit angallavigineqartarpoq, taamaattumik imartap tamatuma eqqoqqissaartumik uuttortarlugu nalunaarsorneqarnissaa umiarsuit isumannaatsumik ingerlasinnaanissaannut pingaartorujussuuvoq, forsvaret.gl allappoq.