Sap.ak. 18-imi kajumissaatit
Ilulissat Kommuniata pinaveersaartitsinermut immikkoortortaata imigassartornermut illuatungiliuttunik sammisassaqartitsinermut kajumissutsiminnik suliallit kajumissaaserpai.
Aappariit Abigael aamma Tom Fussing ukiuni arlalinni uge 18-mi suliniuteqarluartarsimapput aammalu kalattoortartunik ukiuni arlalippassuarni siuttuullutik imingassartaqanngitsumik aliikusersuisitsisarsimammata quttaviginiarlutigit Ilulissat Kommunianiit kajumissaaserneqarput.
Suulut Samuelsen ukiuni arlaqartuni nammineq kajumissutiminik nipilersorlunilu imingassartaqanngitsumik qititsitsisartoq aamma kajumissaaserneqarpoq.
Arfininngorpat nersornaasiisoqaqqissaaq, pinaveersaartitsinermut siunnersorti Helga Nielsen ilisimatitsivoq.
Ilulissani sap. akunnera 18 innuttaasunit amerlasuunit malinnaaffigineqarpoq, aammalu atuarfinni immikkut paasitisiniaanerit ingerlanneqarlutik, makku pillugit: Naamaartarneq, tupa, tillinnerup kinguneri, saaffissat, nerisassat peqqinnanngitsut qanorlu puallarnianngikkutta iliorsinnaanerput ullormullu nerisagut oqallisigalugit.