Ilinniartitaaneq salliutinneqarpoq

Joint Committee-p Washingtonimi ataatsimiinnerani USA-mi ilinniagaqarneq programimi oqaluuserisassat pingaarnersaasa ilagaat. Joint Committee-p ataani suleqatigiissitaliat pingasuusuni tamani USA-mi ilinniarfinnik suleqatigiinnissamut pilersitsinissamik aammalu kalaallinut inuusuttunut akiliussisalernissamut aningaasaateqarfimmik pilersitsinissaq soqtigaat.

Kulturimut ilinniartitaanermullu ataatsimiitsitaliami amerikami ilinniarfiit Kalaallit Nunaannut suleqatigissallugit iluaqutaasinnaasut nassaariniarnissaat suliarineqarpoq.

Claus Kleemann Namminersornerusut Danmarkimi allaffeqarfianneersoq suleqatigiissitami siulittaasuusoq ilisimatitsissuteqarpoq, USA-mut suleqatigisinnaasanik naleqquttunik qinerleriartorluni paasisassarsiorluni angalasoqassasoq. Aallaqqaammut pineqarput peqqinnissamut ilinniarfiit, tusagassiornermut ilinniarfiit, takornariaqarnermut ilinniarfijit aammalu kulturimut tunngasunut suleqatigineqarsinnaasutut periarfissat.

- USA-mi ilinniartunngorniaraanni tuluit oqaasiinik atuisinnaanermut misilitseqqaartariaqarpoq. Inuusuttut misilitsinnerup taassuma Danmarkimut aallaqqaarluni misilitsikkiartoqqaartariaqarnani Kalaallit Nunaanni pisinnaanissaa pingaaruteqarpoq, Claus Kleemann oqarpoq.