Rudolfi angerlarpoq

Qularnanngilluinnarpoq juullip inuata tuttuutaa decemberip 24-anni ulapikutsooreersimalluni Kalaallit Nunaannut angerlarsimalersoq.

Tuttut upernaaq aallakaatitsissutilersorneqarsimapput. (Ass. Sermitsiaq)

Immaqaluunniit ilai.

Akiani Nuup Maniitsullu akornanniittumi tuttut arnavissat 40-t upernaamiilli qaammataasakkut aallakaatitsissutinik pilersorneqarsimapput. Tuttut Kalaallit Nunaanni internet http://dk.nunagis.gl/ aqqutigalugu malittarineqarsinnaapput.

Tuttut tamarmik nalunaaquttat akunnerisa sisamanngorneri tamaasa nalunaarummi nassiussisarput, tamatumalu kingorna paasissutissat katersorneqartarlutillu nalilersorneqartarput.

Tuttut ingerlaartarnerat, sumiittarnerat ukiunilu arlanni sumut nikerartarnerat paasiniarlugu taamaarliortoqarpoq, paasissutissallu tamakku aamma aluminiuliorfiliornissamut erngup nukinganit nukissiorfiliornissamik nalilersuinissamut ilanngunneqarumaarput.

Aallakaatitsissutit 2010-p tungaanut atorsinnaanissaat anguniarneqarpoq. Tamatuma kingorna aallakaatitsissutit isumaminnik katattussanngorlugit programmilerneqassapput. Tuttut ingerlaartarneri suli marloriarluni misissuiffigineqaqqikkumaarput.

Powered by Labrador CMS