Islandimiut inatsisinik atortitsinermut ministeriat Ivittuut
Islandimiut inatsisinik atortitsinermut ministeriat, Danmarkip Islandimi sinniisaa aammalu Islandip sineriaanik nakkutilliisoqarfiup (ICG) qullersaa (Icelandic Coastguard) Kalaallit Nunaannut Ivittuunullu tikeraarput.
Tikeraarneq maajip 10-aniit 13-ianut ingerlanneqartoq Islandimi sinerissamik nakkutiilliisoqarfiup Kalaallit Nunaanni Sakkutooqarfiullu akornanni suleqatigiinnermut pitsaasumut iluaqutaavoq, aammalu piginnaasat ataatsimoorussat pitsaanerusumik atornissaannut tunngavilersuisuulluni, Kalaallit Nunaanni Sakkutooqarfik ilisimatitsivoq.
Islandimiut inatsisinik atortitsinermut ministeriat Björn Bjarnarsson, ICG-ip qullersaa Goerg Lárusson aamma ambassadør Lasse Reimann umiarsuaaqqamut nakkutilliissummut umiarsuarmullu nakkutilliissummut ilaallutik angalaartinneqarlutillu timmisartumik Challenger-imik angalaanerunneqarput.
Angalaqatigiit taamaalillutik namminneq misilittakkatik tunngavigalugit siunissami ineriartornermut periarfissarititaasut pillugit tigussaasumik oqaaseqarsinnaalissapput. Pingaartumik annaassiniartarnerup iluani qanimut suleqatigiinnissap pisariaqartuunera qularutigineqanngilaq, taamalu Georg Lárusson imartani Kalaallit Nunaata Islandillu avitsivigisaanni ataqatigiissaarinermut annertusisamut suleqatigiinnissamut isumalluartorujussuuvoq.
Siunissami suleqatigiissutissat unamminartut pingaartumik ujaasinermut, annaassiniarnermut ajutoorfiusumiillu ajoqusertumik assartuisarnernut aammalu Issittumi avatangiisini ajornaarnersuaqarnermik pitsaaliuinissamut tunngasuupput.