Pitsaaliuisut Islandimut
Nunatsinni pitsaaliuinermik siunnersortit ukioq manna Reykjavikimi ukiumoortumik ataatsimiissapput.
Ukiumoortumik ataatsimiinneq Islandip illoqarfiisa pingaarnersaanni ingerlanneqassaaq pissutigalugu piffissami tamatumanissaaq meeqqanik atornerluisarneq pillugu nunat avannarliit ataatsimeersuassammata. Meeqqanik atornerluisarneq pillugu nunat avannarliit tallimassaanik ataatsimeersuarnerannik aaqqissuussisuuvoq Nordisk Forening mod Børnemishandling og Omsorgssvigt (NFBO). Peqatigiiffik 1998-imi pilersinneqarsimavoq FN-p meeqqanut isumaqatigiissutaa tunuliaqutaralugu.
Ataatsimeersuarneq ingerlanneqassaaq majip 18-ianniit 21-iannut, tamatumalu kingorna kalaallit pitsaaliuinermik siunnertsit ukiumoortumik ataatsimiinnertik ingerlatissavaat, taamatut paasissutissiivoq Paarisami immikkoortoqarfimmi pisortaq Bodil Karlshøj Poulsen.
Pitsaaliuisut Reykjavikimiinnerminni aamma Barnahuset/Meeqqat Illuat pulaassavaat, taanna tassaalluni islandimi meeqqanik illersuisut, eqqartuussiviup naalagaaffiullu napparsimmaviata suleqatigiif